AMOR NA REDE, O NOVO PROGRAMA DA TELEVISIÓN DE GALICIA
NOTICIAS TV-CINE

Este xoves 27 de agosto, ás 00h pola Televisión de Galicia, o capitulo 6 de Amor na Rede.

Ata agora, Sergio, 32 anos e deseñador gráfico,  non tiña ollos para nada máis que a súa cámara e os seus deseños. Ven ao programa co obxectivo de tentar abrir un pouco a porta da súa fortaleza a unha persoa coa que poder compartir as súas paixóns.

Pola súa banda, Cristina é unha ferrolá de 24 anos moi acostumada ao trato co público. A pesar de ter pasado por varias decepcións non perde a esperanza de atopar unha parella coa que poder viaxar e acudir aos seus festivais de música favoritos.

Esta semana Amor na Rede mergullase nunha ruta de emocións.

 Image

 
Cásting para "Amor na rede", un novo programa da TVG para o verán
NOTICIAS TV-CINE

Búscanse participantes para un reality en que buscarán a súa parella ideal a través das redes sociais.

 Image

O vindeiro mércores 8 de abril, na cidade de Vigo, terá lugar un cásting para escoller participantes para un novo programa que chegará ás pantallas da Televisión de Galicia este verán. Trátase de "Amor na rede", que realiza Adiviña Producións para a TVG. "Amor na rede" axudará os seleccionados co asesoramento de especialistas en redes sociais de busca de parella. Os expertos levarán a cabo un estudo do perfil de cada persoa e presentaranlle os candidatos máis compatibles. Así mesmo, están previstas diversas actividades lúdicas e unha cea romántica nun lugar moi especial.

Os interesados/as deben poñerse en contacto con Adiviña Producións no teléfono 981 638569 e vía enderezo electrónico en Esta dirección de correo electrónico está protegida contra los robots de spam, necesita tener Javascript activado para poder verla

 
Estrea do documental UNITARIAS.
NOTICIAS DOCUMENTALES

O próximo 28 de febreiro, se estrea o documental “UNITARIAS. HISTORIA DUN MESTRE GALEGO”, no Salón Teatro de Santiago de Compostela.

As experiencias persoais dos mestres, que dende os anos 50 do século pasado, impartiron as súas clases nas pequenas escolas do rural galego, chamadas unitarias, preséntannos a realidade dun país que evoluciona dende o analfabetismo á cultura dixital, dende a ditadura á democracia e, que ademais, ten que encaixarse dentro dos distintos marcos que provocan unhas leis educativas cambiantes.
Tratase dunha nova produción documental de Adiviña, que conta co apoio da AGADIC.
 
 Image
Máis información en: unitarias.es
 


Adivina Producciones | inicio
nota legal
NOTICIAS